Date/Time
Date(s) - 08/29/2015
12:00 am
Location
Manhattan Center
Categories
नेपालीको चर्चित ब्याण्ड नेपथ्यले अमेरिकामा पहिलो पटक प्रस्तुति गर्ने भएको छ । म्युजिक फोर युनिटीको नारासहित अगस्त २९ मा न्युयोर्कमा लाइभ शो हुन लागेको हो । कार्यक्रमबारे जानकारी दिन आयोजकका तर्फबाट न्युयोर्कको ज्याक्सनहाइटमा रहेको हिमालयन याक रेष्टुरेण्टमा पत्रकार भेटघाट कार्यक्रम गरिएको थियो ।
लुम्बिनी इन्टरनेसनल इन्कसँगको सहकार्यमा ओडीसी इन्टरटेन्मेन्टले न्युयोर्कमा नेपथ्य शो गर्न लागेको लुम्बिनी इन्टरनेशनल इन्कका विश्व शाहले जानकारी दिए । करिब तीन बर्ष देखिको निरन्तर प्रयासपछि नेपथ्यको कन्सर्ट अमेरिकामा गर्न लागिएको ओडीसी इन्टरटेन्मेन्टका सिमान्त गुरुङले जानकारी दिए । पत्रकार भेटघाटमा बोल्दै एनआरएन आईसीसीका डीआरसी सोनाम लामाले कार्यक्रममा सहभागी भएर मनोरञ्जन लिन अमेरिकामा रहेका नेपालीहरुलाई आग्रह गरे ।
म्यानहटनको ३४ स्ट्रीट आठौं र नवौं एभिन्युको बीचमा रहेको म्यानहटन सेन्टरमा हुने कन्सर्टका लागि नेपथ्य र नेपालयको १० जनाको टोली आगामी साता न्युयोर्क आउने भएको छ । बेलुकी ८ बजेदेखि हुने कार्यक्रमका लागि टिकट शुल्क ३५ डलरदेखि १०० डलरसम्म तोकिएको छ । टिकट अनलाइनमा पनि किन्न सकिन्छ भने हरेक दिन ज्याक्सनहाइटमा रहेका नेपाली रेष्टुरेण्टहरुमा किन्न सकिने विश्व शाहले जानकारी दिनुभयो ।
छेक्यो छेक्यो देउराली डाँडा, सा कर्णाली, जोमसोम बजारमा, भेंडाको उनजस्तो, उडायो रेलैले, हिमाल चुचुरे, रेशम, तालको पानी जस्ता गितका कारण चर्चित नेपथ्य ब्याण्डको शो न्युयोर्क बाहेक अन्य राज्यमा पनि गर्ने तयारी भइरहेको छ । ३५ सय दर्शक क्षमताको म्यानहटन सेन्टरमा हुने शोका लागि धमाधम टिकट बिक्री भइरहेको आयोजकले जानकारी दिएका छन् ।
No comments yet, be the first to leave one!
You must be logged in to post a comment.